Policia e Kosovës ka arrestuar një person në Fushë Kosovë, pasi dyshohet se ka kanosur një gjyqtar gjatë zhvillimit të një seance gjyqësore.
Rasti ka ndodhur të hënën në rrugën “Tahir Zemaj”, rreth orës 14:32. Sipas Policisë, i dyshuari mashkull kosovar e ka kanosur gjyqtarin që po gjykonte djalin e tij.
Me vendim të prokurorit, i dyshuari është ndaluar dhe është dërguar në mbajtje, ndërsa rasti po hetohet.
