Prokuroria Speciale e Republikës së Kosovës ka kërkuar caktimin e masës së paraburgimit ndaj gjyqtarit të Gjykatës Themelore në Prishtinë, Avdirrahman Gashi, i cili u arrestua nën dyshimin për keqpërdorim të detyrës zyrtare.
Ndërkohë, seanca dëgjimore për caktimin e masës së paraburgimit pritet të mbahet rreth orës 20:00, te gjyqtari i procedurës paraprake.
Avdirrahman Gashi u arrestua më 14 gusht nga Prokuroria Speciale, në bashkëpunim me Njësinë e Veçantë Hetimore të Policisë së Kosovës, pas një hetimi që, sipas autoriteteve, kishte zgjatur disa muaj.
