Karabinierët italianë nga Njësia e Specializuar Shumëkombëshe të KFOR-it (MSU), të udhëhequr nga NATO, kanë zhvilluar së fundmi një stërvitje intensive trajnimi me helikopter në një skenar operacional realist.
Qëllimi i kësaj stërvitjeje ishte përforcimi i gatishmërisë taktike dhe rritja e bashkëpunimit ndërmjet njësive të KFOR-it që operojnë në mjedise komplekse sigurie.
“KFOR-i vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së, duke kontribuar në krijimin e një mjedisi të sigurt dhe të qetë për të gjithë komunitetet në Kosovë, duke siguruar lirinë e lëvizjes në çdo kohë. Kjo forcë punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), duke luajtur rolin e reaguesit kryesor të sigurisë në rajon”, thuhet në njoftimin e tyre.
