Juristi i njohur nga Vushtrria, Isak Uka, i është bashkuar listës së Lidhjes Demokratike të Kosovës për Kuvendin Komunal të Vushtrrisë.
Lajmin e ka bërë të ditur kandidati për kryetar të komunës, z. Xhafer Tahiri.
Uka, i cili prej 25 vitesh është i angazhuar në Qendrën për Punë Sociale, ka dhënë kontribut të vazhdueshëm në shërbim të mirëqenies së qytetarëve.
Ai vjen nga familja e nderuar Uka nga fshati Bajska, e njohur për traditë, besim dhe përkushtim ndaj komunitetit.
Me përvojën e gjatë profesionale dhe angazhimin e tij të vazhdueshëm, Isak Uka pritet të jetë një vlerë e shtuar në Kuvendin Komunal të Vushtrrisë, si pjesë e listës fituese të LDK-së.
