Kandidati për kryeministër, Ramush Haradinaj ka premtuar se Kosovën do ta shndërrojnë në superfuqi energjetike me kapacitet prej 1 mijë e 500 megavatësh.
Haradinaj ka thënë se Kosova fle në thëngjill por nuk ka energji pasi sipas tij tregtinë e energjisë, e bëjnë ‘tuxharët’ e mafisë energjetike.
“Kosova në dritë – mafia energjetike në burg. Kosova sot fle në thëngjill e s’ka energji. Është vendi me ajrin më të ndotur, ku tregtinë e mallit më të kërkuar – energjisë, e bëjnë tuxharët e mafisë energjetike. E kemi dhënë fjalën që Kosovën ta shndërrojmë në superfuqi energjetike me kapacitet prej 1500 MW dhe do ta mbajmë”, ka shkruar ai në Facebook.
