EULEX-i ka thënë se po i rishikon vazhdimisht masat e sigurisë në Kosovë, në prag të 16 shtatorit, kur pritet vendimi për Hashim Thaçin, Kadri Veselin, Jakup Krasniqin dhe Rexhep Selimin.
Në një përgjigje EULEX-i ka deklaruar se bashkëpunon ngushtë me Policinë e Kosovës dhe KFOR-in për situatën e sigurisë.
Misioni ka theksuar se, nëse kërkohet dhe është e nevojshme, njësia e tij policore është e gatshme të veprojë si reagim i dytë.
EULEX-i u ka bërë thirrje të gjitha komuniteteve në Kosovë për qetësi, duke thënë se siguria dhe mbrojtja e tyre janë prioritet.
