11-vjeçari Mejdi Deliu ka ndërruar jetë të shtunën në Qendrën Klinike dhe Universitare të Kosovës (QKUK).
I vogli ishte duke marrë trajtim mjekësor pas një vetaksidenti me trotinet elektrik, i cili kishte ndodhur më 8 qershor në Gjilan.
Varrimi i vogëlushit do të bëhet sot në orën 17:00, në varrezat e fshatit Kabash të Vitisë.
Njoftimin e ka bërë Xhamia e këtij fshati përmes një postimi në Facebook.
Njoftimi i plotë:
Njoftim Mortor
Me pikëllim të thellë dhe me besim në caktimin e Allahut xh.sh., njoftojmë familjarët, miqtë, farefisin dhe besimtarët se ka ndërruar jetë i ndjeri Mejdi Deliu, në moshën 11-vjeçare, si pasojë e një vetaksidenti.
Lusim Allahun e Madhërishëm që ta mëshirojë të ndjerin, ta bëjë prej banorëve të Xhenetit dhe familjes së tij t’i dhurojë sabër e forcë në përballimin e kësaj humbjeje të rëndë.
Namazi i xhenazes do të falet në Xhaminë e Kabashit, ndërsa varrimi do të bëhet pas namazit të ikindisë, në ora 17:00 te varrezat e fshatit Kabash (21.06.2026).
“Me të vërtetë, ne jemi të Allahut dhe te Ai do të kthehemi.”
(Inna lillahi ve inna ilejhi raxhiun)
Allahu e mëshiroftë dhe e shpërbleftë me Xhenetin Firdeus.
