Daut Haradinaj, ka takuar në Gjenevë veprimtarin e çështjes kombëtare, Hysen Gërvallën, vëllain e heronjve Jusuf dhe Bardhosh Gërvalla.
Përmes një postimi në Facebook, Haradinaj e cilësoi Hysen Gërvallën si një ikonë të vlerave kombëtare, i cili për dekada të tëra ka dhënë kontribut të çmuar për lirinë dhe pavarësinë e Kosovës.
“Të rrallë janë njerëzit që një jetë ia kushtojnë atdheut, dhe të tillët janë motiv për të vazhduar rrugën e pakthyeshme të zhvillimit të kombit tonë, kudo që jetojmë”, shkroi Haradinaj.
Ai tha se takimi me Hysen Gërvallën në Gjenevë ishte një ndjenjë e papërsëritshme, duke vlerësuar edhe familjen Gërvalla, e cila, sipas tij, me krenari vazhdon ta mbajë gjallë flakadanin e krenarisë dhe sakrificës kombëtare.
Haradinaj bëri të ditur se, së bashku me Arsimin dhe Bujarin, ka kaluar disa momente me Hysen Gërvallën dhe familjen e tij, duke theksuar se ndihet gjithmonë krenar për burrat që nuk kursyen asgjë për lirinë e Kosovës.
