Deputeti i AAK-së, Daut Haradinaj, ka reaguar përmes një postimi në rrjetet sociale, duke kritikuar qeverisjen aktuale dhe duke renditur, sipas tij, disa nga ndryshimet që i nevojiten Kosovës.
Haradinaj ka thënë se “rruga është e vetmja rrugë për ta rikthyer Kosovën në binarët e shtetit demokratik”, duke përmendur respektimin e aleatit historik, Shteteve të Bashkuara të Amerikës, vendosjen e sanksioneve 100 për qind ndaj Serbisë, prodhimin e energjisë në Kosovë dhe mbështetjen për projektet amerikane.
Ai ka kërkuar gjithashtu trajtim të barabartë të qytetarëve, mbështetje për prodhuesit vendorë, respektim të punëtorëve, rritjen e dinjitetit të policëve dhe ushtarëve, si dhe prioritizimin e arsimit dhe shëndetësisë.
Postimi i plotë:
E kam thënë dhe po e përsëris: rruga është e vetmja rrugë për ta rikthyer Kosovën në binarët e shtetit demokratik:
Ku aleati historik, Amerika, respektohet.
Ku Serbia sanksionohet me 100 për qind.
Ku rryma prodhohet në Kosovë e nuk blihet në Serbi me mbi 1 miliard euro.
Ku projektet amerikane janë strategji shtetërore e jo tallje.
Ku shteti i trajton qytetarët e vet të barabartë, e jo me ne dhe ata.
Ku punohet e nuk flitet.
Ku vlera respektohet e nuk anatemohet.
Ku prodhuesi i Kosovës e ka shtetin partner e jo armik.
Ku tregu i Kosovës është për kosovarët.
Ku punëtorit i respektohet puna.
Ku ushtari nuk të padit.
Ku polici ka dinjitet.
Ku arsimi është prioritet.
Ku spitali të shëron e jo të sëmun’.
Ku rrugët ndërtohen e nuk shkatërrohen.
Ku familja rritet në Kosovë e jo në Skandinavi.
Ku populli nuk gënjehet, por i thuhet e vërteta.
Aty ku serbët nuk lejohen të regjistrohen me dëshmitarë edhe pas krimeve të kryera.
Pra, shtatori po vjen, Albin.
