Astrit Zemaj, përfaqësuesi i Kosovës për marrëdhënie me NATO-n, ka shprehur nderin dhe privilegjin për ta përfaqësuar Republikën e Kosovës në ceremoninë e kalimit të detyrës nga ish-sekretari i Përgjithshëm i NATO-s, Jens Stoltenberg tek sekretari i ri i Përgjithshëm, Mark Rutte.
Zemaj ka theksuar se udhëheqja e Rutte do të ketë ndikim të rëndësishëm në forcimin e NATO-s dhe stabilitetin e përgjithshëm të sigurisë euroatlantike.
“Urime të përzemërta dhe gjitha të mirat në detyrën e Sekretarit të Përgjithshëm të NATO-s. Të bindur se udhëheqja e tij do të jetë vendimtare jo vetëm për NATO-n por për gjithë sigurinë dhe stabilitetin tonë euroatlantik dhe për mbështetjen për integrimin e vendit tonë drejt antrësimit në Aleancë”, ka shkruar ai në Facebook.
Për më tepër, Zemaj ka shprehur mirënjohjen e tij për Stoltenberg, duke theksuar kontributin e tij të çmuar në forcimin e marrëdhënieve midis Kosovës dhe NATO-s.
