Një këmbësor ka humbur jetën si pasojë e një aksidenti trafiku në Viti, pasi është goditur nga një automjet.
Sipas Policisë së Kosovës, ngjarja ka ndodhur të martën. Në aksident janë përfshirë një automjet, të cilin e drejtonte një burrë, dhe një këmbësor, gjithashtu mashkull.
Pavarësisht ndërhyrjes, këmbësori ka ndërruar jetë si pasojë e plagëve të marra. Drejtuesi i automjetit është arrestuar dhe, me urdhër të prokurorit, është dërguar në mbajtje.
Ndërkohë, trupi i viktimës është dërguar në Institutin e Mjekësisë Ligjore për obduksion. Autoritetet po vazhdojnë hetimet për zbardhjen e plotë të rrethanave të aksidentit.
