Influencerja e njohur shqiptare, Doresa, është bërë virale në rrjetet sociale pas deklaratës së saj “Uki”, gjatë debatit me Jonën, banoren e edicionit të sivjetmë të Big Brother VIP Kosova.
Pyetja që ajo i drejtoi Jonës: “A e njeh Ukin?”, është shndërruar në meme nga përdorues të shumtë të rrjeteve sociale.
Kjo frazë ishte ndër pyetjet që ndjekësit i drejtuan Doresës përmes një rubrike me pyetje, të cilën ajo e hapi në InstaStory.
“A e njeh Ukin?”, e pyeti një përdorues, ndërsa Doresa iu përgjigj me humor:
“Po shumë, shumë mirë”, duke i bashkëngjitur përgjigjes edhe një emoji duke qeshur.
Megjithatë, kjo pyetje nuk iu drejtua vetëm një herë, por disa herë. Në një postim tjetër, Doresa la nënkuptuar se ishte e penalizuar për shkak të gjuhës derisa tregoi se lindur lindur dhe ishte rritur në Gjermani, ndërsa për herë të parë kishte ardhur në Kosovë kur ishte shtatëvjeçare.
“Prindërit e mi i kanë pas pesë fëmijë edhe kanë punu çdo ditë. Shqip nuk kemi mësu shumë. Po e kam mësu gjatë martesës, kur jam martua edhe masanej kom mësu gjithnjë e më shumë shqip prej followersave të mi! Unë kurrë nuk kam shku në shkollë shqipe, si shoqet e mia atëherë. Kurrë”, deklaroi ajo.
Ajo gjithashtu theksoi se tashmë edhe vetë qesh me deklaratën e saj dhe se ndihet krenare që është kthyer në meme.
“Po jam shumë krenare me këtë që tash jam bo meme. Dalëngadalë edhe vetë po qeshi me këtë edhe po më doket shumë cool”, theksoi ajo.
