Babai i Ilaria Sulës, të resë shqiptare që u vra mizorisht nga ish-i dashuri i saj Mark Antony Samson, kërkon drejtësi për vrasjen e vajzës së tij nga autoritetet italiane.
“Ata njerëz e lënduan shumë familjen time,”, tha Flamur Sula, ndërsa Prokuroria e Romës kërkoi një gjykim të menjëhershëm për ish-partnerin e vajzës së tij.
“Ilaria kishte një jetë të tërë përpara dhe nuk është e drejtë që princesha ime pati këtë fund të tmerrshëm. Kam besim në sistemin italian të drejtësisë,”, shtoi ai, mes lotësh.
Prokurorët e akuzojnë Samsonin për vrasje me paramendimi si dhe fshehje të një trupi, krim të cilin ai e ka pranuar vetë.
