Presidenti Donald Trump ka postuar një video 60 sekondëshe në mediat sociale ku shihen “përbindëshat e qiellit”, avionë luftarakë B-2 duke fluturuar në qiell duke hedhur dhjetëra bomba.
Ajo që ka tërhequr vëmendjen është se e gjithë videoja është e shoqëruar nga një kolonë zanore që përsërit fjalët “bombardoni Iranin”.
Kënga, një version i parodizuar i hitit të Beach Boys, Barbara Ann është modifikuar për ta zëvendësuar “Barbara Ann” me “bomb Iran”.
Washingtoni ka përdorur armë të nivelit të lartë, duke përfshirë raketat e frikshme shkatërruese GBU-57 dhe raketat lundruese Tomahawk, për të synuar instalimet bërthamore në Fordow, Natanz dhe Esfahan të Iranit.
Ndër armët strategjike më të përparuara në inventarin amerikan, bombarduesit B-2 mund të kundërshtojnë sisteme shumë të sofistikuara të mbrojtjes ajrore dhe të kryejnë sulme precize.
Sipas Forcave Ajrore Amerikane, B-2 ka fuqi zjarri masive dhe tiparet e tij “të padukshme” kërcënojnë objektivat e mbrojtura rëndë.
Me një çmim prej rreth 2.1 miliardë dollarësh secili, bombarduesit B-2 janë avionët ushtarakë më të shtrenjtë të ndërtuar ndonjëherë në botë.
Ndërsa GBU-57 është një bombë masive prej 30 mijë paundësh, rreth 13,600 kg që mund të depërtojë deri në 200 metra nën tokë para se të shpërthejë, duke i dhënë emrin “shpërthyes bunkerësh”.
Ajo që e dallon atë nga raketat ose bombat e tjera është se depërton në sipërfaqen e tokës para shpërthimit, duke shumëfishuar impaktin në mënyrë eksponenciale.
GBU-57 është shpërthimi më i fuqishëm në arsenalin amerikan.
Operacioni ushtarak amerikan kundër Iranit, i koduar me emrin “Midnight Hammer”, përfshinte më shumë se 125 aeroplanë dhe një operacion mashtrimi që pa bombarduesit e vendosur mbi Paqësor si “karrem”, njoftoi Kryetari i Shtabit të Përgjithshëm, gjenerali Dan Caine.
