Bashkimi Europian ka reaguar pas sulmeve të SHBA mbi 3 centrale bërthamore në Iran.
Shefja e politikës së jashtme të BE-së, Kaja Kallas shkruan në një postim në “X” se Iranit nuk duhet t’i lejohet të zhvillojë një armë bërthamore.
Më tej, ajo i bëri thirrje të gjitha palëve të tërhiqen dhe të kthehen në tryezën e negociatave.
“Iranit nuk duhet të lejohet të zhvillojë një armë bërthamore, pasi kjo do të përbënte një kërcënim për sigurinë ndërkombëtare. I bëj thirrje të gjitha palëve të tërhiqen, të kthehen në tryezën e negociatave dhe të parandalojnë përshkallëzimin e mëtejshëm. Ministrat e Jashtëm të BE-së do të diskutojnë situatën nesër”, shkruan Kallas.
