Një ngjarje tragjike ka ndodhur në Berlin të Gjermanisë, ku një 43-vjeçar është arrestuar pasi dyshohet se ka therur me thikë babanë e tij, një 77-vjeçar.
Sipas raportimeve të gazetës gjermane Bild, rreth orës 10:30 të mëngjesit të së shtunës, policia dhe shërbimet e zjarrfikësve u njoftuan për një incident në rrugën Sven-Hedin-Straße në Berlin. Mjekët e urgjencës konfirmuan se viktima kishte ndërruar jetë në vendngjarje si pasojë e plagëve të marra.
Autori i dyshuar i krimit u identifikua po atë mbrëmje dhe u arrestua në banesën e tij, e cila besohet të jetë edhe vendi ku ndodhi ngjarja. Ai rezulton të jetë djali i viktimës.
Policia gjermane ka nisur hetimet për të zbardhur rrethanat dhe motivin e këtij krimi të rëndë familjar.
