Ministri i Jashtëm izraelit, Gideon Sa’ar, ka deklaruar se sulmet e fundit të Izraelit kanë shtyrë mundësinë që Irani të zhvillojë një bombë bërthamore për të paktën dy ose tre vjet.
Në një intervistë për grupin mediatik Axel Springer, Sa’ar theksoi se operacionet që kanë vrarë zyrtarë ushtarakë iranianë që nga 13 qershori janë jashtëzakonisht të rëndësishme për këtë rezultat, transmeton CNN.
Ai gjithashtu shprehu mosbesimin e tij ndaj diplomacisë me Iranin, duke nënvizuar nevojën për veprime konkrete për të ndaluar përparimin bërthamor të Teheranit.
