Ish-ushtarët e Ushtrisë Çlirimtare të Kosovës, përfshirë Fadil Fazliun, Bashkim Smakajn dhe Isni Kliajn, kanë refuzuar takimin me Avokatin e Popullit të Gjykatës Speciale në Hagë.
Në një postim në Facebook, ish-nënkryetari i OVL-UÇK-së, Nasim Haradinaj, bëri me dije se edhe Pjeter Shala dhe Sali Mustafa kanë refuzuar takimin, duke theksuar se refuzimi është i përgjithshëm dhe nuk duhet përmendur vetëm një grup i kufizuar emrash.
Kujtojmë se më parë, krerët e UÇK-së, përfshirë Hashim Thaçin, Kadri Veselin, Rexhep Selimin dhe Jakup Krasniqin, gjithashtu refuzuan takimet dhe kanë denoncuar trajtime çnjerëzore dhe shkelje të rënda nga Njësia e Paraburgimit.
Ata akuzojnë Avokatin e Popullit për mosveprim dhe shkelje të Kushtetutës së Kosovës, ligjeve vendore dhe Konventës Evropiane për të Drejtat e Njeriut.
