Benji dhe Ava e kapërcyen diferencën në moshë dhe zbuluan mënyra emocionuese për të zhvilluar jetën e tyre seksuale, shkruan The guardian.
Rrëfimi:
U afruam me Avën kur unë isha shefi i saj dhe ende isha me ish-bashkëshorten time. Jam dyfish më i madh se ajo në moshë dhe isha i shqetësuar se si do të dukej kjo gjë. Po sikur njerëzit të na ngatërronin për baba e bijë? Pyesja veten nëse isha një person i keq. Vajza ime, e cila është katër vite më e vogël se Ava, fillimisht u ndje e neveritur dhe më quajti pervers, dhe ish-gruaja ime, me të drejtë, u tërbua. Ndiheshin sikur nuk më kishin njohur kurrë vërtet. Kisha frikë se mund të kisha ndërprerë përgjithmonë ato marrëdhënie, por e dija që me Avën kisha një mundësi të isha jashtëzakonisht i lumtur.
Kaluan muaj para se të kishim marrëdhënie seksuale. Herën e parë që ishim intimë, i mbajtëm veshjet veshur. Ishte një përvojë intensive. Më kujtohet aroma e saj dhe sa e butë ishte lëkura e saj. Nuk kisha qenë në gjendje të merrja një ereksion prej vitesh, çka çoi në vdekjen e jetës sime seksuale me gruan, dhe e kisha pranuar që ashtu do të mbetej. Me Avën, e kam rizbuluar kënaqësinë — jo vetëm seksuale, por edhe atë të të qenit bashkë.
Në jetën seksuale kemi role dominues-nënshtruar. Të dy besojmë në fuqizimin dhe barazinë gjinore, dhe flasim për këtë kontradiktë, por besojmë se të dyja mund të bashkëekzistojnë. Avës i pëlqen të rrihet, gjë që më eksiton. Gjithashtu më ngjall dëshirë liria e saj, ndaj ndonjëherë luajmë role ku ajo ka qenë e pabesë dhe unë e “ndëshkoj”. Më pëlqen ideja që ajo të jetë me njerëz të tjerë — por më bën xheloz.
Nuk e quajmë veten një çift. Vlerësojmë lirinë tonë dhe të njëri-tjetrit dhe nuk duam një të ardhme konvencionale ku biem pre e rutinës së përditshme. Edhe pse punojmë bashkë, kemi vendosur që kurrë të mos jetojmë nën një çati. Kam kuptuar se bashkëjetesa e zbeh dëshirën për ta njohur tjetrin gjithnjë e më shumë — dhe unë dua që gjithmonë të ndjej një interes të thellë për Avën.
Për mua, intimiteti është koha që i kushtojmë njëri-tjetrit. Ndihem më i lidhur me Avën në fund të ditës, kur i bëj masazh në këmbë dhe flasim për gjëra që na interesojnë. Ndonjëherë zgjohem natën dhe jemi duke u mbajtur për dore — kështu që e nis ditën me ndjenjën se jam i dashur, si të isha mbushur me jetë gjatë natës.
“Për shembull, Benji më tërhiqte flokët gjatë seksit, por pasi e diskutova me veten, i kërkova ta ndalonte. Dëgjoj podkaste feministe dhe lexoj literaturë feministe, dhe komunikojmë shumë për këto tema. Duam ta sfidojmë, testojmë, mësojmë dhe zhvillojmë marrëdhënien tonë në një mënyrë që ndihet progresive. Duam të eksplorojmë mënyra të tjera për të bërë seks dhe të mos mbetemi thjesht në rolin e dashnorëve që jemi tani”, shprehet Ava.
Bëjmë seks në zyrë dhe e përdorim ambientin e punës si pjesë të fantazisë.
Në fillim, nuk ndihesha e tërhequr ndaj Benjit – nuk kishte ndjenja romantike apo seksuale, por ndjeja një tërheqje të fortë ndaj tij që nuk mund ta shpjegoja. Kujdesesha për të dhe për mendimin e tij. Ishte një person i rëndësishëm si në jetën time profesionale, ashtu edhe në atë personale. Kishim shumë gjëra të përbashkëta. Pastaj, kur më tregoi ndjenjat e tij – që aroma e parfumit tim e çmendte – kjo hapi një dimension krejt tjetër. Marrëdhënia jonë u zhvillua.
“Herën e parë që Benji qëndroi në shtëpinë time, nuk fjetëm fare. Rrinim zgjuar gjithë natën, duke e përkëdhelur njëri-tjetrin mbi rroba dhe duke parë hënën e plotë. Ishte diçka e veçantë. Dhe ishte ende emocionuese të ngacmohemi e të ndërtojmë tension seksual pa penetrim apo orgazëm.
Tani Benji dhe unë drejtojmë një biznes së bashku, ku jemi të vetmit punonjës, dhe ndonjëherë luajmë role ku ai është shefi dhe unë sekretarja. E gjejmë këtë dinamikë eksituese. Bëjmë seks në zyrë dhe e përfshijmë ambientin e punës në fantazinë tonë. Që kur jemi bashkë, ndjehem më e lirë të jem vetvetja — të vesh çfarë dua, të them çfarë dua. Ai i flet vlerave të mia për liri dhe lumturi”, përfundon ajo.
