Presidenti i Turqisë, Rexhep Tajip Erdogan, mori pjesë në Samitin e 6-të të Komunitetit Politik Evropian (EPC) që u mbajt në Tiranë, Shqipëri, ku morën pjesë shumë liderë evropianë.
Një moment i pazakontë dhe disi i sikletshëm mes Presidentit Erdogan dhe homologut të tij francez, Emmanuel Macron, u bë viral në rrjetet sociale dhe në mediat ndërkombëtare.
Teksa Macron vendosi dorën mbi atë të Erdogan gjatë një përshëndetjeje, presidenti turk nuk ia lëshoi gishtin për disa sekonda, gjë që krijoi një situatë të pazakontë para kamerave.
