Presidentja e Kosovës, Vjosa Osmani, ka zhvilluar një takim me kryeministrin e Maltës, Robert Abela, gjatë Samitit të Komunitetit Politik Evropian, që po mbahet në Tiranë.
Gjatë bisedës, Osmani dhe Abela kanë diskutuar për mundësitë e forcimit të partneritetit mes dy shteteve, për sfidat e përbashkëta dhe për mundësitë e thellimit të bashkëpunimit dypalësh.
Në një postim në Facebook, presidentja Osmani ka theksuar rëndësinë e avancimit të aplikimit të Kosovës për anëtarësim në Këshillin e Evropës, duke e cilësuar këtë si një hap që do të forconte vlerat evropiane dhe unitetin e kontinentit.
“Potencova rëndësinë e avancimit të aplikimit të Kosovës gjatë Presidencës së Këshillit të Evropës nga Malta, si një hap që do t’i përforconte vlerat evropiane dhe unitetin e kontinentit”, shkroi Osmani në Facebook.
