Pesë janë të plagosurit me armë zjarri këtë të shtunë në Laç.
Një bilanc lufte, që sipas policisë, erdhi si pasojë e një konflikti të çastit.
Mes të plagosurve është edhe një grua, e cila nuk kishte lidhje me konfliktin, por u gjend në vendin dhe momentin e gabuar. Ajo ndodhej në anë të trotuarit duke shitur qirinj…, raporton tv klan.
Të shtënat ndodhën rreth orës 13:30, pranë ish-gjykatës së Kurbinit, në rrethana momentalisht të paqarta.
Megjithatë nga ajo që mund të shihet edhe në pamjet që përcjell gazetari Martin Marku, breshëria e plumbave ndodhi në mes të rrugës.
Të plagosurit janë A.Gjezaj, L.Ismalaj, A.Ndoci, D.Gjeloshi, G.Bitri. Për shkak të gjendjes së rënduar shëndetësore, ata u transportuan drejt Spitalit të Traumës në Tiranë.
Ndërkohë, autoritetet policore që zbarkuan në vendngjarje shoqëruan disa persona. Zyrtarisht mësohet se autor i dyshuar është një person, i cili është identifikuar dhe po punohet për kapjen e tij.
