Gruaja nga Runjeva e Kaçanikut e cila ishte raportuar e zhdukur prej tri ditësh, është gjetur sot.
Sinjali mëson se e zhdukura është Hamide Burrniku, e cila është gjetur e gjallë sot në mëngjes dhe është në gjendje të mirë shëndetësore.
Burime të Gazetës Sinjali brenda njësisë së Hetimeve Rajonale kanë bërë të ditur se më 1 maj 2025, rreth orës 09:55, në bashkëpunim me grupin e kërkim-shpëtimit dhe ekipet emergjente, është bërë lokalizimi dhe gjetja e saj.
Sipas të njëjtave burime, menjëherë pas identifikimit të saj, është njoftuar emergjenca mjekësore, dhe Hamide është dërguar për trajtim mjekësor, ku është konstatuar se gjendja e saj është stabile dhe jashtë rrezikut për jetë.
