Sot mbushen 44 vjet nga demonstrata e studentëve të Kosovës më 11 mars e vitit 1981, një ngjarje që tronditi ish-Jugosllavinë.
Këto demonstrata që shpërthyen në Prishtinë, 44 vjet më parë, në mars të vitit 1981, në Prishtinë, fillimisht ishin një shprehje e pakënaqësisë sociale të studentëve të Universitetit të Prishtinës, të cilët më 4 mars të vitit 1981, në Mensën e Studentëve brenda Qendrës së Studentëve në Prishtinë, protestuan spontanisht ndaj kushteve jo të mira, sipas tyre, në të cilat jetonin dhe studionin në atë kohë.
Por, pas disa ditësh, më 11 dhe 27 mars, si dhe më 1 dhe 2 prill të vitit 1981, kërkesat fillimisht me përmbajtje sociale, evoluan në kërkesa që shpërfaqnin pakënaqësitë politike, shoqërore dhe kombëtare.
