Një incident është shënuar pasditen e sotme në rrugën “Rexhep Bislimi” në Ferizaj, ku një person ka marrë lëndimeve trupore pas një konfrontimi fizik mes tre personave, teksa në vendin e ngjarjes u dëgjuan edhe të shtëna me armë.
Lajmi është konfirmuar nga Zëdhënësi i Policisë për Rajonin e Ferizajt, Kanun Veseli.
Veseli ka bërë të ditur se me të arritur në vendngjarje, Policia ka shoqëruar në stacionin policor dy personat e dyshuar.
Ndërkohë, personi i lënduar është transportuar në Qendrën Emergjente në Ferizaj pas lëndimeve të marra nga përleshja.
Nga vendi i ngjarjes Policia gjithashtu bëri të ditur se ka sekuestruar një armë zjarri.
