Një ngjarje e rëndë ka ndodhur të enjten pasdite në Suharekë, ku një grua u gjet e vdekur në banesën e saj. Vdekjen e viktimës e ka konstatuar ekipi mjekësor në vendin e ngjarjes, ndërkohë që Policia ka nisur hetimet lidhur me rastin.
Ky rast ka tronditur familjen e të ndjerës, kur e morën lajmin e hidhur për vdekjen e saj.
Burimet brenda Emergjencës kanë bërë me dije se viktima është 52-vjeçarja, Vlora Kuçi.
Vdekjen e viktimës e ka konstatuar ekipi mjekësor që intervenoi në vendin e ngjarjes dhe sipas mjekut në trupin e pajetë nuk ka pasur shenja të dhunës.
Sipas sinjalizuesve e ndjera jetonte e vetme, teksa nuk dihen shkaqet e vdekjes.
Rastin e ka konfirmuar edhe Policia Rajonale në Prizren, me ç’rast trupi i pajetë është dërguar në IML për obduksion.
“Është gjetur pa shenja jete në banesën e saj viktima femër kosovare. Në vendin e ngjarjes kanë dalë njësitë policore si dhe emergjenca, ku mjeku kujdestar ka konstatuar vdekjen e viktimës. Sipas mjekut trupi i pajetë nuk ka shenja të dhunës, dyshohet se vdekja ishte natyrore. Me vendim të prokurorit, trupi i pajetë është dërguar në IML për obduksion.“
