Dizajneri mitrovicas, Enes Ramaxhiku, është personi që ka dizajnuar logon e përvjetorit të 17-të të pavarësisë së Kosovës
Pas kësja logoje qëndron vula e Red Mill Agency. Koncepti dhe dizajni i logos u krye nga Drin Mulliqi dhe Agon Çeta, gjersa animacioni i saj nga mitrovicasi Enes Ramaxhiku përndryshe i dëshmuar për profesionalizmin e tij në këtë fushë.
“Në shikim të parë, dy forma të guximshme qëndrojnë krah për krah, një jehonë e lehtë e numrit 17. Një pasqyrim i kohës—17 vjet pavarësi, festuar më 17 shkurt. Dy të shtatëmbëdhjeta, të ndërthurura në kuptim, qëndrojnë si një homazh për udhëtimin deri më tani dhe rrugën përpara.
Por duke parë më nga afër, format zbulojnë më shumë. Ato ngrihen si krahë, të gatshme për fluturim, duke mishëruar një vend që gjithmonë synon përpara. Ngjyra e artë pëshpërit për triumfin, për një udhëtim të shtruar me sukses. E bardha, ngjyra e unitetit, na kujton se së bashku, ngrihemi lart.
Çdo vijë është një hap drejt së ardhmes. Çdo kënd, një simbol i përparimit. Dhe ashtu si shqiponja që fluturon lart në qiell, Kosova qëndron e gatshme—për lartësi të reja, horizonte të reja dhe një të ardhme po aq të pakufishme sa qielli”, kanë thënë ata duke sqaruar konceptin e logos.
