Rastet e sulmeve ndaj zyrtarëve policorë, qoftë në uniformë apo edhe jashtë detyrës zyrtare nuk janë të rralla. Një incident i tillë ka ndodhur dje në Prizren, ku një polic është sulmuar brutalisht derisa ishte jashtë detyrës zyrtare.
Si pasojë e sulmit brutal, zyrtarit policor i është thyer hunda.
Sipas informacioneve të para, i dyshuari që ka sulmuar policin është i moshës së mitur.
Incidenti dyshohet se ka ndodhur pas një mosmarrëveshjeje mes disa personave.
Ndërkaq, në lidhje me rastin janë informuar institucionet përkatëse, të cilët kanë ndërmarrë të gjitha veprimet e nevojshme për hetimin e rrethanave.
