Gjenerali i UÇK-së, kandidati për deputet, Lahi Brahimaj ka takuar sonte banorët e gjashtë fshatrave të Gjakovës.
“Vizioni ynë për një Kosovë të sigurt dhe ekonomikisht të zhvilluar gjeti mbështetje të fuqishme te banorët e fshatrave Osek, Skivjan, Planqor, Hereq, Dujakë, Dobrigje dhe Firajë të komunës së Gjakovës”, ka shkruar ai.
Sipas tij, dë bashku po ndërtojnë një të ardhme më të mirë për gjeneratat që vijnë.
“Me investime strategjike në zhvillimin rural dhe mbështetje direkte për fermerët, do të sigurojmë që çdo fshat i Kosovës të jetë një qendër e prosperitetit dhe mundësive të barabarta. Faleminderit për besimin dhe mbështetjen tuaj në këtë rrugëtim drejt një Kosove Fituese!”, ka shkruar kandidati me numër 90 në listën e AAK-së.
