Ka përfunduar aventura e shqiptaro-zviceranit Xherdan Shaqiri te Chicago Fire.
Klubi amerikan dhe lojtari kanë rënë dakord për të ndërprerë kontratën.
“Pas diskutimeve me Xherdanin, kemi rënë dakord reciprokisht që ndarja e rrugëve është në interesin më të mirë të të gjitha palëve.”, tha drejtori Sportiv i kubit amerikan Georg Heitz
“Mendoj se është koha e duhur për mua që të eksploroj mundësi të reja në karrierën time.
Dua të falënderoj klubin dhe tifozët për mbështetjen e dhënë gjatë kohës sime te Chicago. IU uroj vetëm suksese në të ardhmen”, ka thënë Shaqiri.
Mesfushori sulmues largohet nga Chicago Fire pas 2 sezonesh ku në 69 ndeshje të luajtura shënoi 14 gola.
