Policia e Kosovës ka shpeshtuar patrullimet në zonën kufitare mes Kosovës dhe Serbisë në bjeshkët e Istogut.
Javën e kaluar është raportuar për patrullime të shpeshta të policisë serbe dhe forcave ushtarake të Serbisë.
Ani pse nuk ka pasur ndonjë provokim, barinjtë e këtyre zonave janë shqetësuar me praninë e tyre, sidomos tani në kohën e verës kur këtë zonë e frekuentojnë edhe pushues të shumtë.
Njësitet patrulluese kufitare tashmë kanë reaguar dhe kanë qenë në zonën e perëndimit në Gjakovë e deri në lindje të kufirit.
Kështu edhe sot, këtu prezent ishte drejtori i policisë kufitare, kolonel Nexhmedin Krasniqi,Kapiten Asmir Zekiq, komandant i vijës së gjelbër kufitare, Adem Hoxhiq, shef i operativës, Adem Dreshaj, polic kufitar etj.
Ata patën takime edhe me banorë të zonës, të cilët i siguruan se nuk ka ndonjë rrezik dhe se njësitet e KFO-it do të patrullojnë vazhdimisht.
