Analisti Nexhmedin Spahiu ka kërkuar edhe një herë falje për fjalorin e papërshtatshëm që përdori mbrëmë në emisionin “Politiko” ndaj komuniteteve joshumicë.
Ai ka thënë se nuk e ka pasur për qëllim që ta lëndojë ose ofendojë askënd.
“Më vjen keq nëse dikush është lënduar nga kjo, nuk ka qenë qëllimi me e lëndu askënd, sikur të ishim më komod në debat sigurisht që do i isha shmangë kësaj shprehej”, ka thënë Spahiu.
Tutje, Spahiu ka thënë se të gjithë e njohin si mbrojtës i komuniteteve.
“Në asnjë skutë të mendjes time nuk është që t’i ofendojë pjesëtarët e cilit do komunitet etnik në Kosovë, unë kam respekt për të gjitha komunitetet joshumicë. Të gjithë më njohin si mbrojtës të komuniteteve, jo vetëm të komuniteteve joshumicë mbi bazën e etnisë por edhe mbi bazën e fesë. Unë kam shokë te të gjitha komuniteteve dhe jo vetëm”, tha Spahiu.
