Kreu i partisë për Veprim Demokratik, Bakir Izetbegoviq, ka pritur sot kryeministrin e Kosovës, Albin Kurtin. Në këtë takim kanë biseduar për raportet mes Bosnje e Hercegovinës dhe Republikës së Kosovës si dhe për përmirësimin e bashkëpunimit në ekonomi, kulturë e siguri, shkruan vijesti.ba.
Izetbegoviç përshëndeti vendimin e Qeverisë së Republikës së Kosovës për heqjen e regjimit të vizave për qytetarët e Bosnjës dhe Hercegovinës që udhëtojnë në Kosovë, i cili, siç u theksua, do të kontribuojë dukshëm në forcimin e bashkëpunimit.
Kurti e Izetbegoviq bashkërisht theksuan nevojën për të zbatuar të gjitha detyrimet që vendet e Ballkanit Perëndimor kanë marrë në kuadër të Procesit të Berlinit, i cili përfshin mundësimin e lëvizjes së lirë të njerëzve, kapitalit, mallrave dhe shërbimeve.
Vëmendje e veçantë në takim i është kushtuar edhe situatës në rajon, zhvillimeve gjeopolitike dhe ndikimit të tyre në Ballkanin Perëndimor, si dhe ndikimeve malinje të huaja që tentojnë të shkaktojnë destabilitet.
