Ismail Tasholli nga “Liria ka emër” ka paralajmëruar protesta në Bruksel më 10 tetor, pas reagimit të Bashkimit Evropian ndaj ndryshimeve në Ligjin për Dhomat e Specializuara të Kosovës.
BE-ja ka shprehur shqetësim të thellë për këto ndryshime, duke vlerësuar se ato bien ndesh me detyrimet ndërkombëtare të Kosovës ndaj BE-së.
Tasholli ka thënë se përgjigjja e kosovarëve dhe mërgatës shqiptare ndaj qëndrimit të Brukselit do të jepet më 10 tetor në Bruksel.
“Pa përgjigje nuk do të mbetet as Zyra e BE-së në Kosovë. Protestat e “Liria ka emër” nuk ndalen”, shkroi ai.
