Kudo që jeni në botë, sonte mund ta ndiqni BBVK 5 live në YouTube!
Big Brother VIP Kosova 5 nisi mbrëmë në një mënyrë krejtësisht ndryshe nga edicionet e kaluara, duke hapur dyert e shtëpisë për tre banorët e parë, Arlinda Morinën, Nichin dhe Antoneta Koçin.
Por loja e vërtetë fillon sonte! Nga ora 21:00, spektakli do të nisë zyrtarisht me Prime-n e parë, ku pritet të zbulohen edhe banorët e tjerë që do të bëhen pjesë e këtij edicioni.
E për të gjithë ata që po pyesin se ku mund ta ndjekin spektaklin, prezantuesi Alaudin Hamiti ka ndarë një lajm të mirë.
Pavarësisht se ku ndodheni në botë, Prime-n e parë të BBVK 5 do të mund ta ndiqni drejtpërdrejt edhe në YouTube, përmes kanalit zyrtar të Big Brother VIP Kosova.
