“Detyra ime të ndërtoj kryeqytetin, e tyrja të shohin a po bëhet ligjshëm”, ka deklaruar kryetari i Prishtinës, Përparim Rama, para se të hynte në objektin e Prokurorisë Speciale.
Rama sot pritet të intervistohet në cilësinë e të dyshuarit lidhur me projektin “Arkitekti i Kryeqytetit”.
Ai është parë duke hyrë në objektin e Prokurorisë Speciale, ndërsa para hyrjes ka dhënë një deklaratë të shkurtër për mediat.
Intervistimi i tij lidhet me dyshimet rreth projektit “Arkitekti i Kryeqytetit”, kontratë kjo që raportohet se ka vlerën prej 12 milionë eurosh.
