Zyrtarja policore, Bukurije Ferati ka ndërruar jetë pas një sëmundjeje të rëndë. Lajmin për vdekjen e saj e kanë bërë të ditur familjarët, të cilët kanë njoftuar edhe për ceremoninë e varrimit dhe mbajtjen e të pamës.
Sipas njoftimit të familjes, varrimi i të ndjerës do të bëhet sot, më 24 tetor 2026, në orën 15:30, në varrezat e fshatit Bare të Mitrovicës, pas namazit të ikindisë.
“Është ndarë nga jeta Bukurije (Isa) Ferati, pas një sëmundjeje të rëndë”, thuhet në njoftimin e familjes.
Familjarët kanë bërë të ditur se e pamja do të mbahet për tri ditë në Vushtrri, në rrugën “Shote Galica”, nga e diela, më 25 tetor, deri të martën, më 27 tetor 2026.
