Këngëtari kosovar, Labinot Rexha, ka reaguar përmes një postimi në Instastory lidhur me edicionin e ri të “BBVK”, duke shprehur pakënaqësinë e tij për mundësinë që Leonora Jakupi të rikthehet si opinioniste.
Rexha ka thënë se një gjë e tillë do të përbënte një zhgënjim të madh për të, pasi, sipas tij, Jakupi nuk e përfaqëson siç duhet as muzikën dhe as rolin e opinionistes, shkruan Indeksonline.
Ai ka theksuar se një opinioniste duhet të jetë e paanshme, analitike dhe e aftë t’i vlerësojë situatat përmes argumenteve, e jo vetëm emocioneve.
Mbetet të shihet nëse Leonora Jakupi do të jetë pjesë e panelit të opinionistëve në edicionin e ri të “BBVK”.
