Komisioni Evropian ka dënuar dhunën gjatë protestave në Shqipëri, duke kërkuar që reagimi i autoriteteve të jetë i ligjshëm dhe proporcional.
“Dhuna nuk ka vend në një shoqëri demokratike”, thuhet në deklaratën e publikuar më 18 tetor.
Brukseli dënoi zjarrvëniet, sulmet ndaj institucioneve dhe dëmtimin e pronës, duke kërkuar që përgjegjësit të përballen me drejtësinë.
Njëkohësisht, Komisioni theksoi se liria e tubimit dhe e shprehjes duhet të respektohen.
Në kontekstin e integrimit evropian, ai bëri thirrje që pakënaqësitë të adresohen përmes dialogut konstruktiv dhe paqësor.
