Zëvendëskryeministri i Kosovës, Glauk Konjufca, ka udhëtuar në Hagë, në prag të shpalljes së verdiktit në rastin ndaj ish-krerëve të Ushtrisë Çlirimtare të Kosovës.
Nga Haga, Konjufca ka deklaruar se pret vetëm një rezultat nga procesi gjyqësor.
“Ajo luftë u zhvillua nga UÇK-ja, këtë ushtri e drejtoi shtabi i përgjithshëm dhe në këtë shtab kurrë nuk ka pasur asnjëherë ndonjë mekanizëm të përbashkët kriminal. Ne e presim vetëm një vendim: aktgjykimin lirues”, ka thënë Konjufca përcjell Insajderi.
Shpallja e aktgjykimit pritet të përcaktojë epilogun e procesit gjyqësor ndaj ish-presidentit Hashim Thaçi dhe ish-krerëve të tjerë të UÇK-së.
