Ish-luftëtari i Ushtrisë Çlirimtare të Kosovës, Lahi Brahimaj, ka komentuar mundësinë e lirimit të ish-krerëve të UÇK-së që po gjykohen në Hagë.
Brahimaj tha se ata që do të mërziteshin nga një vendim lirues për ish-krerët e UÇK-së, sipas tij, duhet të vajtojnë bashkë me presidentin e Serbisë, Aleksandar Vuçiq, dhe ministrin e Brendshëm serb, Ivica Daçiq.
“Ata që do të mërziten për lirimin e tyre, unë i kisha lutë që të shkojnë të vajtojnë bashkë me Vuçiqin e Daçiqin atje”, tha Brahimaj.
Deklarata e tij vjen një ditë para shpalljes së aktgjykimit në rastin ndaj Hashim Thaçit, Kadri Veselit, Rexhep Selimit dhe Jakup Krasniqit në Dhomat e Specializuara të Kosovës në Hagë.
