Ushtruesja e detyrës së Presidentes së Kosovës, Albulena Haxhiu, ka përshëndetur vendimin e sotëm të Këshillit Gjyqësor të Kosovës (KGjK) lidhur me gjyqtarët serbë që kishin dhënë dorëheqje në vitin 2022.
Përmes një deklarate, Haxhiu ka thënë se do të ndërmarrë veprimet e nevojshme për lirimin e tyre nga detyra, në përputhje me përgjegjësitë kushtetuese dhe ligjore.
“Përshëndes propozimin e Këshillit Gjyqësor të Kosovës për lirimin nga detyra të gjyqtarëve serbë që kishin dhënë dorëheqje në vitin 2022. Në përputhje me përgjegjësitë kushtetuese dhe ligjore, sapo Këshilli Gjyqësor i Kosovës t’i dërgojë propozimet, do të ndërrmarë veprime për lirim nga detyra të tyre”, shkroi Haxhiu.
