Kryeministri në detyrë, Albin Kurti, në kremtën e Lëvizjes Vetëvendosje për fitoren në zgjedhjet e parakohshme parlamentare të 7 qershorit, ka goditur paksa edhe opozitën.
Kurti insistoi se ata dalin në ora tetë të mengjesit në punë nesër, por janë blloku opozitar ata që, sipas tij, s’po punojnë.
“Ajo çka i mungon shtetit të Kosovës nuk është as qeveria as presidenca. Republikës së Kosovës i mungon Kuvendi. Fatkeqësisht blloku opozitar nuk shkojnë në punë. Ne jemi të interesuar që edhe blloku opozitar që të shkojnë sa më shpejt në punë. Andaj urojmë që legjislatura e 11-të t’ia fillojë dhe kjo varet nga certifikimi i rezultateve”, deklaroi Kurti.
“Do t’i takojmë dhe bashkëpunojmë të gjitha subjektet politike, sepse ne e kemi para së gjithash interesin publik dhe Republikën sovrane dhe të pavarur të Kosovës”, tha më tej ai.
