Kryeministri në detyrë, Albin Kurti, pas përmbylljes së procesit të votimit ka bërë thirrje që të ruhet vota.
Kurti me anë të një postimi në ‘Facebook’ ka thënë se, siç u shpreh ai, vëmendja është tek komisionerët dhe vëzhguesit.
“Vullneti i qytetarëve i shprehur në zgjedhjet e sotme është brenda kutive të votimit. Mbrojtja e tij është kusht i pandashëm i legjitimitetit dhe kredibilitetit të procesit zgjedhor. Në këto momente, sytë, veshët dhe vëmendja jonë janë te ju komisionerë dhe vëzhgues. Mbi juve peshon një përgjegjësi e lartë institucionale dhe fisnike. Ju falemnderit për angazhimin dhe punë të mbarë në numërimin e çdo vote”, ka shkruar Kurti.
