Kandidati për deputet nga radhët e LDK-së, Fadil Geci, ka reaguar pas takimeve dhe aktiviteteve në Gjilan, duke vlerësuar mbështetjen dhe pjesëmarrjen e qytetarëve si dëshmi të fuqisë së vazhdueshme të partisë në këtë qytet.
Në një postim në Facebook, Geci ka falënderuar qytetarët për pritjen dhe përkrahjen, duke theksuar se “pritja, mbështetja dhe energjia juaj treguan edhe një herë se Gjilani vazhdon t’i qëndrojë besnik LDK-së”.
“Faleminderit Gjilan për mikpritjen e jashtëzakonshme. Mobilizimi dhe përkrahja juaj janë dëshmi se fryma e LDK-së vazhdon të jetë e fortë. Bashkë drejt fitores”, u shpreh Geci.
