“Eurovision 2026” u vulos këtë edicion të 70-të, me fituesin e radhës që është Bullgaria.
Shqipëria, e cila nën përfaqësimin e Alis Kallaçit me këngën “Nan”, arriti të siguronte finalen, mori në total 145 pikë duke u renditur kështu në vendin e 13-të.
Ndërkohë nga vota e publikut ai arriti të merrte 85 pikë.
Portugalia ishte ajo e cila i dha Shqipërisë pikët maksimale, pra e votoi me 12 pikë.
Ndërkohë që vendi fqinj, Mali i Zi i dha vendit 10 pikë.
Nga ana tjetër, Shqipëria vendosi t’ia jepte 12 pikëshin e saj Italisë, por kjo e fundit nuk e dha asnjë pikë për Shqipërinë.
Greqia nga ana tjetër e votoi vendin tonë me vetëm 1 pikë.
