Deputetja e PDK-së, Blerta Deliu ka folur në lidhje me deklaratën që sot ministrja e Drejtësisë, Donika Gërvalla ka dhënë në lidhje me ekspozitën skandaloze të Shkelzen Gashit, e për çka tha se “dëmton kauzën kundër Serbisë”.
Në lidhje me këtë, Deliu ka thënënë se është “hipokrizi”.
“Ministria e Punëve të Jashtme jep 14,999 euro për një libër, e promovon dhe e shpërndan, pastaj ministrja Gërvalla del e thotë se pasaktësitë e dëmtojnë kauzën ndaj Serbisë. Kush i financoi këto pasaktësi? Kush i nënshkroi? Ky është dështim institucional dhe kërkon përgjegjësi”, ka shkruar ajo.
Deliu-Kodra ka thënë se duhet të hetohet plotësisht se kush e ka propozuar projektin, kush e ka verifikuar përmbajtjen dhe kush e ka marrë vendimin për financim.
“Me të vërtetën e luftës nuk luhet, dhe për këtë dikush duhet të japë llogari”, ka shtuar ajo.
