Kryeministri i vendit, Albin Kurti është deklaruar në lidhje me çështjen e zgjedhjes së presidentit të vendit brenda afatit të dhënë nga Gjykata Kushtetuese.
Pas kësaj,Kurti në një deklarim për media tha se do t’u dërgoj sërish ftesa kryetarëve të partive opozitare në vend, por se njëherë nuk pati kohë.
“Unë jam kthyer mbrëmë nga Parisi ku kishim një takim shumë përmbajtjesorë rreth 2 orësh me Macron dhe është mbështetës i madh i integrimit evropian të Kosovës.Nuk e kisha kohën e mjaftueshme që t’i bëj konsultime te brendshme për takimet e ardhshme. Padyshim se do të bëjë ftesa për takime për kryetarët e partive opozitare në mënyrë që të shohim se cilat janë rrugët që të arrijmë numrin prej së paku 80 deputetëve”,deklaroi Kurti.
Ai th se në sallë do të duhej që të ishin së paku 5 deputetë, që të arrihej të zgjidhej presidenti.
“Nuk besoj se është mirë që të jemi veç 80 apo 81, duhet të jemi rreth 85 që të jemi të sigurtë që të zgjedhim presidentin e për këtë do të bëjë edhe ftesa e do të zhvillojmë edhe takime, por cfarë ofertash e kërkesash do të ketë në ato takime duhet të presim që të ndodhin ato takime”,shtoi ai.
Ndryshe pasi presidentja Vjosa Osmani e çoi në Kushtetuese dekretin për shpërndarjen e kuvendit, kryetarët e partive si PDK dhe LDK thanë se do t’u përgjigjen ftesave të Kurtit pas nxjerrjes së aktgjykimit të Kushtetueses, vendim ky tanimë publik.
