Bésart Blakaj ka marrë zyrtarisht detyrën si Nënkryetar i Komunës Étampes në Francë, duke u bërë pjesë e rëndësishme e udhëheqjes lokale në këtë rajon.
Përmes një njoftimi në rrjetet sociale, Blakaj ka bërë të ditur se emërimi i tij vjen si vazhdimësi e angazhimit të tij për t’u shërbyer qytetarëve dhe qytetit të tij. Ai ka falënderuar kryetarin e kësaj komune, Gilles Bayart, për besimin e dhënë.
”Sot marr detyrën si Nënkryetar i Étampes me krenari dhe vendosmëri. Ky zotim është pjesë e rrugëtimit tim: të veproj konkretisht për qytetin tonë dhe banorët e tij,” ka deklaruar Blakaj.
Në fotografitë e publikuara nga ceremonia, Blakaj shihet i veshur me shiritin zyrtar të shtetit francez, i cili simbolizon autoritetin e tij të ri në ekzekutivin lokal.
