Daut Haradinaj ka deklaruar se e përkrah reagimin dhe do të bëjë çmos që të zbardhet e vërteta rreth çështjes së ekspozitës për masakrat në Kosovë.
Ai ka shpërndarë publikisht qëndrimin e analistit Arton Demhasaj, i cili ka kërkuar nga kryetarja e Kuvendit, Albulena Haxhiu, transparencë të plotë lidhur me organizimin e këtij aktiviteti.
Demhasaj ka bërë thirrje që të publikohen thirrja për aplikim, kriteret e përzgjedhjes, lista e organizatave aplikuese dhe shuma e fondit, si dhe të jepen arsyet pse organizatat përkatëse janë shpallur fituese.
Reagimet vijnë pas kritikave të shumta për pasaktësi në përmbajtjen e ekspozitës, ndërsa Haxhiu ka shprehur keqardhje për situatën, duke theksuar se vendimi ishte miratuar unanimisht në Kryesinë e Kuvendit.
